Montag, 6. März 2017

Basler Fasnacht - Die drei scheenschte Dääg

Nei, mir finde's gar nid glatt
Wenn d' Meinig saisch in däre Schtadt
D' Woohret koschtet zimmlich Gäld
Das isch hüt so uff dääre Wält

Was d' Woohret isch, beschtimme mir
Halt d' Schnurre zue, denn sunscht chunnt d' Schmiir
Mir und unsri linke Knächte
Mir luege z' Basel scho zum Rächte

Macht und Gäld und no viel meh
Hänn mir dank dr' LDP
Au d' SP, die isch voll dr' by
So isch es z' Basel an mym Rhy

Wenn di getrausch, uns z' kritisiere
Denn mien mir di halt ruiniere
Drum mi Liebe sig nid dumm
Sig doch eifach lieber schtumm

Du muesch di nümme länger quäle
Und uns zum Fasnachts-Sujet wähle
Wirsch gseh, was mir sunnscht mit dir mache
Denn hesch sicher nüt meh z' lache

Schnitzelbängg dörfsch alli bringe
Doch über uns, do söttsch nid singe
Au unsri Maske dörfsch nid ha
Zieh lieber d' Waggis-Larve a

Due uns lieber e chli loobe
Jo, mir sinn jetzt halt ganz oobe
Dank em Zins und unsrem Gäld
Regiere mir die ganzi Wält

Mir dien z' Basel d' Richter miete
Demit si d' Woohret, dien verbiete
Au d' Zittig schribt, nur was mir wänn
Und das, wo mir zum Schriibe gänn

Das dörfsch du aber nit luut sage
Sunnscht goht's dr zimmlig schnäll an Krage
Für das hänn mir s' Rassismus-Gsetz
Mir hoffe, du kapiersch das jetz

Keine Kommentare:

Kommentar veröffentlichen